أسماء الله الحسنى للأطفال

سلسلة أسماء الله الحسنى للأطفال

الدرس الأول:

الهدف من معرفة أسماء الله الحسني و

اسم الله (الله ، الرحمن ,الرحيم

أولا :هنتكلم عن الهدف من تعلم أسماء الله الحسنى

١_

احنا ليه بنتعلم عن ربنا

هنضرب مثال صغير للطفل بصديق ليه مين احب صديق ليك ؟

:فلان

طيب مش انت بتحب فلان ده جدا وبتبقي عاوز تعرف عنه اكتر بتحب تعرف هو بيعمل ايه دلوقتي لابس ايه بيته شكله ايه وهكذا؟

:ايوه

ولله المثل الأعلى دايما بنسأل عن ربنا شكله ايه وهو موجود فين وغيرها من الأسئلة

فإحنا لما بنحب حد بنكون عاوزين نعرف عنه كل حاجة .

واحنا بنحب ربنا وبنحب نعرف عنه حاجات كتير طيب هنعرف ازاي؟

هنعرف اللي ربنا عرفه لنا عن طريق أنبياءه ورسله

هنتعلم الصفات اللي ربنا وصف بيها نفسه أو وصفه بيه النبي محمد صلى الله عليه وسلم

فاول حاجة في الأهداف من تعلم الاسماء الحسني

*معرفة الله سبحانه وتعالي*

والمعرفة نوعان معرفة عامة اللي بيعرفها اغلب الخلق أنه ربنا هو الرحمن الرحيم وووو

والمعرفة الخاصة بكل تفاصيل الاسم واستشعاره في كل جانب من جوانب حياتنا ودعاء الله والثناء عليه به وغيرها من العبادات التي يحبها الله

وهنا شبهت بحاجة بسيطة إن بابا مثلا احنا هنا في البيت عارفين هو بيحب يقعد فين وبيحب ياكل ايه وبيكلم مين وبيلبس ايه وهكذا لكن هو بالنسبة لحد خارج اسرتنا هما عارفين إن ده بيته وبس مش عارفين بيحصل ايه جوا بيته فاحنا معرفتنا ببابا معرفة خاصة ومعرفة الناس التانية بيه معرفة عامة

ولله المثل الأعلى

٢_

ربنا قال "ولله الأسماء الحسنى فادعوه بها"

فمعرفة أسماء الله الحسنى هتخليني نعرف ندعي ربنا ونثني عليه بأسماءه الحسني

زي ما النبي صلي الله كأن عليه وسلم بيقول "أسالك بإسمك الأعظم الذي إذا دعيت به أجبت وإذا سألت به أعطيت "

يبقي ثاني حاجة

*دعاء الله بها*

٣_

* إحصاءها سبب لدخول الجنة*

قال رسول الله صلى الله عليه وسلم "إن لله تسعة وتسعين اسما مائة إلا واحدا من أحصاها دخل الجنة "

فالاحصاء هنا معاه

معرفة عددها والفاظها ومش بس كده فهم معانيها والعمل بما فيها ودعاء الله بها والتقرب إليه بأسماءه

ودي هي شروط الاحصاء عشان يتحقق الحديث انها تكون سبب لدخول الجنة

٤_

*الشوق الي لقائه *

انت مثلا لما بتسمع كتير عن حد وتعرف الحاجات الحلوة اللي بيعملها بتحبه وتحب تشوفه وتعرف عنه أكتر

زي مثلا مابنسمع من احاديث الرسول وتعاملاته مع المشركين ومن آذوه ورحمته صلي الله عليه بهم ورأفته صلي الله عليه وسلم بهم وبنا جميعا أحببناه دون أن نراه وملء حبه قلوبنا ونتمني لو نأتي إليه ونزوره ونجلس بجواره

ولله المثل الأعلى لما تعرف رحمة ربنا بينا لما تشوف إن في حاجة وحشة حصلت لك وكنت متضايق قوي انها حصلت وبعد كده تكتشف ان كان هيحصل لك شر منها وربنا صرفها عنك بتستشعر لطف ربنا بيك وبتحبه لأنه عالم بكل امورك ودائما بيدبر لك الخير .

٥_

معرفتنا بأسماء الله الحسني تبعث الفرح في النفوس فلا نحزن ابدا فعندما نعلم أن الله يقدر لنا الخير نكون مطمئنين ومتوكلين عليه .

نأخذ بالاسباب ولكن احنا واثقين في رحمته بينا وتدبيره لشئوننا .

وغيرها من الأهداف العظيمة والسامية

نذكر للأطفال البسيط منها حتي يسهل عليهم فهمه .

الدرس نظري شوية فهنحاول نضرب امثلة بدون ما يحصل خلل في المعني أو تشبيه أو ثمثيل لله بأحد من خلقه

فناخد بالنا من النقطة دي

هنذاكر الجزء ده من كتاب هنيئا لمن عرف ربه من اخر صفحة ٨ لحد صفحة ١٥

في الجزء الأول

#أسماء_الجمال

الجزء الثاني هنتكلم عن اسم

#الله

هو الاسم الجامع لأسماء الله الحسني وهو اسم الله الأعظم اللي لا يجوز أن يتصف به أحد من خلقه وهنقرأ معاهم الجزء ده من كتاب الاسماء الحسني من مدونة معلمه

وقراءة قصة من كتاب سفير وذكرنا قصة الرجل والشجرة التي كانت تعبد من دون الله جل وعلا

تجدون القصة في هذا الرابط
حفاظا علي حقوق النشر الخاصة بالكتاب
https://kalemtayeb.com/safahat/item/17890

⁩بعد ذلك شرحنا معني اسم الله #الرحمن و اسم الله #الرحيم

عرفنا الفرق بينهما فاسم الله #الرحمن لا يمكن أن يتصف به أحد من الخلق وهي رحمة عامة تشمل المؤمن والكافر والعاصي والمطيع بل وتشمل الخلائق كلها

أما اسم الله #الرحيم فيمكن أن يتصف به أحد من الناس فنقول رجل رحيم

ولكن الرحمة هنا تكون خاصة بالمؤمنين فقط وقيل إنها تكون يوم القيامة في دخول الجنة

ورحمته سبحانه وتعالي واسعة وان الرحمة ١٠٠ جزء امسك الله عنده ٩٩ جزءا وانزل جزءا واحدا في الارض به يتراحم الناس فيما بينهم بل وحتى الحيوانات المفترسة جعل الله الرحمة في قلبها تجاه صغارها

وهنا ذكرنا قصة الفهد والفيل من كتاب حيوانات افريقية وكيف كانت تعتني بصغارها وتخفيها عن البشر حتي لا تؤذيها

ومن رحمته أيضا أن هيأ لكل كائن بيئته المناسبة للعيش وجعل بها طعامه وشرابه وكل مايحتاجه

#نشاط-تصنيف_الكائنات_حسب_البيئة

ونفذنا كمان نشاط حيوانات كل قارة

فالسمكة مثلا لا تستطيع العيش علي الأرض والإنسان لا يستطيع العيش في الماء

النباتات الصحراوية توجد في بيئتها المناسبة لأنها تتحمل قلة الماء وتستطيع العيش في مثل هذه الأجواء

وغيرها من الأمثلة التي تجدونها في كتاب أسماء الله الحسنى المجمع من

مدونة معلمه