أول درس في الهندسة في نهج المنتسوري ٦-٩ سنوات

بدأنا أول درس في #الهندسة_6_9سنوات

استخدمنا صندوق العصيان الهندسية
واداة النظام العشري من تكنوفن ⁦☺️

النقطة هي وحدة بناء أي شكل هندسي ومجموعة من النقاط تكون الخط ومجموعة من الخطوط تكون المسطح ومجموعة من المسطحات تكون المجسم وأفضل أداة لتوضيح الفكرة كانت النظام العشري سواء الخشب أو الخرز وممكن تستخدموا أي حاجة في البيت تؤدي 

نفس الفكرة 

ثاني حاجة بدأنا نتعلم عن الخطوط وعلاقاتها بالنسبة لبعض استخدمنا الخيوط الاول لتوضيح الفكرة وبعد كده استخدمنا العصيان

*خطوط متعامدة

*خطوط متقاطعة هنا استخدمت عصاية مخرمة عشان احدد نقطة الالتقاء أو نقطة التقاطع لأننا هنحتاج المصطلح ده فيما بعد ان شاء الله

*خطوط متوازية زي شريط القطر والمسافة بين الخطين لازم تكون ثابتة ماتتغيرش

*خطوط متقاربة

*خطوط متباعدة

*وخطوط التماس

راجعنا كمان علي الopen curve وال closed curve وray والline segment لأننا درسناهم قبل كده تبع منهج المدرسة.

 راجعنا كمان علي الاشكال الهندسيه مثلث🔼 ومربع⁦⏹️⁩ ودائرة⭕ زودنا ايه المرة دي زودنا الزوايا والأضلاع عدينا زوايا المثلث لقيناهم ٣ زوايا وزوايا المربع ٤ زوايا أما الدائرة فكانت بدون زوايا وبدون أضلاع

بعد كده اتعرفنا علي بعض أنواع المثلث ومثلناها بالعصيان اللي احنا عارفين أطوالها

مثلث متساوي الاضلاع (كل اضلاعة متساوية في الطول)

مثلث متساوي الساقين (ضلعين بس اطوالهم زي بعض)

مثلث مختلف الاضلاع (كل اضلاعة مختلفة في الطول مفيش واحد زي التاني)

دخلنا بعد كده علي أنواع الزوايا استخدمنا الكروت وقمنا بتكوينها بالعصيان الهندسية

 زاوية حادة Acute angle

زاوية قائمة Right angle

زاوية منفرجة Obtuse angle

زاوية مستقيمة Straight angle

المثلث القائم استخدمناه كدليل لكل زاوية فالزاوية الحادة بيكون قياسها ااقل من ٩٠ درجة والزاوية. القائمة ٩٠ درجة بالظبط والزاوية المنفرجة بتكون أكبر من ٩٠ درجة أما الزاوية المستقيمة فهي ١٨٠ ج 

 وفي الحالة دي ممكن نحط المثلثين القائمين جنب بعض ونجمع ٩٠+٩٠=١٨٠ درجة

ده كان اول حاجة اشتغلنا عليها في دروس الهندسة وسنكمل أن شاء الله

دمتم بخير💗💗

#دروس_الهندسة

#صفا_أكاديمي
نراكم في تدوينة جديدة⁦❤️
إن شاء الله