adaptation and survival التكيف والبقاء للصف الرابع الابتدائي
نقول بسم الله كده science
اول درس
adaptation and survival
بما إننا منتسوري بقي لازم نعرض المنهج بطريقة منتسوري أو علي الاقل نحط القواعد الأساسية من المنتسوري ونكمل عليها😍😍
بدأنا بتعريف ال ecosystem وعملنا ديوراما 🤩
وهو عبارة عن مكان بتتجمع فيه عناصر حية زي الحيوانات والطيور والكائنات الأرضية وعناصر غير حية زي الشمس والماء والهواء وفيه منه أنواع aquatic , desert, grasslands , forests and so on
استخدمنا مجسمات الحيوانات وعملنا البيئات المختلفة
جوا ال ecosystem عندنا ال habitat واللي بيقصد بيها البيئة اللي بيعيش فيها الحيوان وبتتوفر فيها المسكن والمأكل والمساحة اللي بيعيش ويتحرك فيها
جوا ال habitat عندنا حاجة اسمها community وده بيبقي مقصود بيه نوع معين زي النباتات أو الحيوانات أو الطيور وووو .
في الجزء ده دخلت الجغرافيا معانا قلت للولاد هنفترض إن مصر زي ال ecosystem جواها مدينة العاشر من رمضان واللي زي الhabitat جواها شقتنا اللي احنا عايشين فيها
ودي زي ال community .🥳🥳
كملنا في الشرح علي الصور دي و عملنا حدوتة تخيلية المكان حشائش السافانا في أفريقيا 🌍
جبنا اسد صغير وقلت لهم أن الشبل ده لوحده individual جبناه ودخلناه في وسط عائلته عمل حاجة اسمها population جبنا العائلة دي ووفرنا لها مكان صغير تعيش فيه موجود فيه أكلها ومسكنها فدي كده اسمها habitat بعد كده خلينا حيوانات تانية تيجي تعيش معاهم ووسعنا مساحة الأرض اللي كانوا عايشين فيها وزرعنا نباتات وجه طيور فكده ده اسمه ecosystem لو جينا شوفنا بقي أفريقيا نفسها هنلاقي فيها كذا ecosystem واللي بيعملوا مع بعض حاجة اسمها biome
وكذا biome مع بعض ( في كل قارات العالم) بيعملوا ال biosphere
طبعا كل الكلام اللي فات ده مالوش علاقة خالص بالمنهج بس كان منهم يكون مقدمة قبل ماادخل في شرح الدرس 😌☺️
بعد كده استعنا بالكتاب ودخلنا علي الدرس
adaptation
وشوفنا طرق التكيف المختلفة اللي ربنا جعلها في الحيوانات عشان تقدر تعيش في البيئة بتاعتها زي البطريق والدببة والكائنات الصحراوية
احنا كده ذاكرنا اول درس بس ربنا يعين في الباقي بقي😂😂
دمتم في أمان الله
#صفا_أكاديمي
تعليقات
إرسال تعليق