من دروس الماث تقديم ال factors بطريقة منتسوري للصفين الخامس والسادس الابتدائي
من دروس الماث تقديم ال factors بطريقة منتسوري للصفين الخامس والسادس الابتدائي
هنقدم الدرس إزاي .. هنقسمه علي كذا حاجة
اولا: يعني ايه factos ؟ هشرح بمثال وليكن 12 هنسأل الطفل
ال12 أنا ممكن أجيبها من حاصل ضرب كم* كم ؟
12=1×12
12=2×6
12=3×4
يبقي إحنا ممكن نقول إن الfactors بتاعت ال12 هي 1,12,2,6,3,4 وعددهم 6 factors
ثاني حاجة هنتعلم #الprime_number
يعني ايه؟ يعني العدد اللي مش بيقبل القسمة الا علي نفسه أو علي الواحد الصحيح يعني ليه 2 factors بس
فمثلا لو قلنا 5 أقدر أجيبها منين؟ ممكن أجيبها من 5×1
طيب في أي معادلة تانية ممكن تديني 5 ؟ لا
نجرب رقم تاني
6 ممكن نجيبها منين؟ من 2×3 ، 1×6
ال5 ليها كم factor ؟ 2
ال6 ليها كم factor؟ 4
يبقي هقدر أقول إن
ال5 prime number
وال 6 not prime number
طيب نطبق بقي علي لوحة الجبر عشان نوصل المفهوم بشكل ملموس أكتر
هنجيب اللوحة بتاعتنا والأكواب والخرز هنطبق علي رقم 18 مثلا محتاجين نعرف الfactors بتوعه
هنختار 3 اكواب احمر واخضر وازرق ونحط في كل واحدة 18 خرزة وعلي اللوحة نبدأ نوزعهم زي أول صورة
بحيث ما يتبقاش معايا أي خرز زيادة يكون في أعمدة متساوية ونبدأ نعد من تحت كل عمود هنلاقي الfactors هي 1,2,3,6,9 نعد الأرقام هنلاقي أن عددهم 5 يبقي هنقول للطفل
The factors of 18 are 1,2,3,6,9
The number of factors is 5
ندخل بعد كده علي الprime number ازاي نطبقه علي اللوحة الجبرية....
مهم قبل ما نطبق نخلي الطفل يحفظ الprime numbers دول عشان هنستخدمهم 2,3,5,7
هنطبق علي رقم 28 مثلا
هنجيب الخرز الازرق للten والاخضر للunit فهنحط 2 من الخرز الازرق علي الشمال فوق وقدامهم 8 من الخرز الأخضر
لو الطفل قدر يعرف الرقم اللي بيقبلوا القسمة عليه علي طول هيقول2 لو معرفش هنجرب الprime numbers اللي قلنا اننا هنحفظهم
ال28 هنا تقبل القسمة علي 2
الناتج 14 فهنحط 1 من الخرز الازرق علي الشمال ودي الten و4 من الخرز الأخضر قدامهم ودي هتبقي الunit في الصف الثاني ونكتب علي ورقة في اليمين 2
هنشوف الرقم 14 لسه يقبل القسمة ؟ ايوه
طيب نقسم علي 2 مرة كمان هنلاقي الناتج 7 ونحط 7 خرز اخضر في الصف الثالث ونكتب علي الورقة 2 كمان مرة تحت ال2 الأولي
طلع عندنا كم 7 ال7 تقبل القسمة علي نفسها والناتج يبقي 1 ونكتب 7 تحت ال2 علي الورقة في اليمين
نحط خرزة اخضر في الصف الرابع لما نوصل للواحد يبقي إحنا كده خلصنا
هنكتب بقي
28=2×2×7
نجرب علي أرقام تانية ونكرر نفس الخطوات ونكرر في كل مرة علي الطفل الprime numbers اللي هنستخدمهم
مثلا 42
42=2×3×7
لو عاوزة أجيب بقي H.C.F اختصار ل highest common factor العامل المشترك الأكبر الرقمين 28 و42
زي آخر صورة ممكن بالطريقة التحليلية العادية وممكن بالtree factor
فهنقول
42=2×3×7
28=2 ×7×2
_____
H.C.F= 7×2=14
اخرخطوة بنعمل فيها ايه؟
بنكتب الfactors بتاعت كل رقم عادي بس هنراعي حاجة مهمة واحنا بنكتب الأرقام بنحط الارقام المتشابهة تحت بعضها وبناخد منهم واحد بس واحنا بنجيب الH.C.F
الدرس كده خلص بعد كده في مرة تانية ممكن نجيب الL.C.M
المضاعف المشترك الأصغر
الدرس هنا نقلنا من المحسوس للمجرد استخدمنا اللوحة لمعرفة الfactors والprime number واللي بعد كده طلعنا منهم H.C.F والL.C.M
اللوحة ليها استخدامات تانية كتير زي المضاعفات والجذور التربيعية وغيرها
#صفا_أكاديمي
#اللوحة_الجبرية
#منتسوري٦_٩سنوات🤩🤩
تعليقات
إرسال تعليق